Këmbët e gjata dhe të drejta të meshkujve joshin femrat

Jo vetëm seksi femër mund të tërheqë për të bërë përshtypje

Për t’i dhënë përgjigje pyetjes shekullore: “Çfarë kërkojnë gratë te burrat?” do të jetë e nevojshme të shtoni në listën e gjatë edhe një element që mund të tingëllojë i ri për disa aspekte dhe që lidhet me joshjen mashkullore: këmbë të gjata dhe të rregullta. Pra, nuk bëhet fjalë për diçka që vetëm gratë mund të tërheqin për t’i bërë përshtypje një partneri të mundshëm.

Këtë e ka zbuluar një studim i Universitetit të Kembrixhit në Mbretërinë e Bashkuar, botuar në revistën Royal Society Open Science. Në një sondazh online që përbën bazën e hulumtimit, rreth 800 gra amerikane nga 19 deri në 76 vjeç treguan se preferonin fytyrat mashkullore që ua treguan atyre pa fytyrë “kur këmbët ishin pak më të gjata se mesatarja”, por jo shumë, thekson bashkëautori i studimit, Thomas Versluys.

Grave u është kërkuar të gjykojnë atraktivitetin e formave mashkullore të gjeneruara me kompjuter me dallime të vogla në gjatësinë e krahëve dhe këmbëve të tyre dhe doli që nëse në njërën anë pjesëmarrësit treguan se preferonin këmbët që ishin mbi gjatësinë mesatare, të përpjestuara mirë, por nga ana tjetër krahët më të gjatë se mesatarja nuk kishin të njëjtin efekt.

Rezultatet e hulumtimit sugjerojnë se gjatësia e këmbës ka luajtur një rol të rëndësishëm në përzgjedhjen seksuale dhe në evolucionin njerëzor në të kaluarën dhe ndoshta ka mbetur preferencë e pandërgjegjshme kur zgjedhim një partner.

“Është ndoshta e rëndësishme sepse është një element mjaft parashikues i faktorëve që janë të rëndësishëm për evoluimin njerëzor, si shëndeti, trajektorja zhvillimore, ushqimi”, shpjegoi Versluys. Por nëse po, atëherë pse gjatësia e krahut është më pak e rëndësishme? Sipas studiuesve, këmbët e gjata mund të jenë një shenjë e të ushqyerit dhe shëndetit të mirë.