Këngëtares së njohur i humb varësja 169 mijë dollarëshe në skenë

Këngëtarja amerikane, Ariana Grande ka mahnitur fansat e saj kur performoi këngën “No Tears Left To Cry” në skenën e Billboard, por ka humbur dicka me vlerë.

Gjatë shfaqjes, ajo mbante një varëse me diamante 45 karat, të dizejnuar nga Djula, por që i humbi gjatë kërcimit. Sipas mediave të huaja, vlera e saj arrinte në 169 mijë dollarë dhe siç transmetohet, thuhet se varësja humbi pasi nuk ishte mbërthyer sic duhet.

“Kjo është hera e parë që diçka prishet kur një emër i njohur e përdor në skenë. Fatmirësisht nuk u përhap dhe u gjet para përfundimit të shfaqjes së madhe”, thanë burimet.