Keni fshirë historikun e telefonit? E keni gabim, ja si…

Pas skandalit të madh të Cambridge Analytica kundrejt gjigandit Facebook, shumë çështje të privatësisë sonë në komunikimin virtual u vendosën në pikëpytje.

Duke marrë shkas nga kjo ngjarje, pothuajse të gjithë vrapuam për të fshirë historikun e telefonit apo kompjuterit. Por paskemi gëzuar më kot. Në një artikull me titull “How Long Does Google Retain Me Web History” (Për sa kohë i ruan Google të dhënat e mia?) zbuluam disa detaje të rëndësishme.

Çdo gjë që ne kemi kërkuar regjistrohet automatikisht në Google. Kjo gjë vlen për çdo pajisje; nëse jeni të lidhur me Google-in, çdo e dhënë ruhet: faqet që shfletoni, foto apo videot që shkarkoni, këngët që dëgjoni në Youtube etj.

Sipas artikullit, ne mund ta fshimë historikun vetëm nga telefoni apo kompjuteri, por asnjëherë nga motori i kërkimit, pasi aty ruhet fije për pe çdo informacion, nga më i parëndësishmi tek ai që ne s’do donim të na i shihte dikush. Madje, në saj të një kërkese kundrejt Google-it, mund të jemi në gjendje të marrim një kopje të gjithë informacionit që kemi kërkuar. Mesa duket Google shkon përtej parashikimeve tona.