Koha në internet, kërcënim për fëmijët

Miliona fëmijë përballen me një rrezik të shtuar, pasi jeta e tyre po varet gjithnjë e më shumë nga interneti gjatë izolimit nga pandemia e Covid-19. “Pandemia e koronavirusit ka çuar në një rritje të paprecedentë të kohës para ekranit,” tha Partneriteti Global për t’i dhënë fund dhunës, Doktor Howard Taylor.

Më shumë se 1.5 miliardë fëmijë dhe të rinj janë prekur nga mbyllja e shkollave në të gjithë botën. Shumë nga këta studentë tani po marrin mësime në internet. Kalimi i më shumë kohe sesa nevojitet në platformat virtuale, mund t’i ekspozojë ata ndaj shfrytëzimit seksual, pasi keqdashësit kërkojnë të shfrytëzojnë pandeminë Covid-19 në avantazhin e tyre.

Mungesa e kontaktit ballë për ballë me miqtë mund të çojë në një rritje të rrezikut, siç është dërgimi i imazheve me përmbajtje seksuale, ndërsa orari i tejzgjatur në internet mund t’i ekspozojë fëmijët ndaj sulmeve si dhe përmbajtjeve potencialisht të dëmshme dhe të dhunshme.