Kopja e veçantë e “Mesharit” të Gjon Buzukut ekspozohet në Presidencë

Sot paradite, në hollin “Nënë Tereza” të Institucionit të Presidentit të Republikës u ekspozua një kopje e veçantë e librit të parë në gjuhën shqipe, e “Mesharit” të murgut Gjon Buzuku (1555).

Ky libër i rrallë me vlera historike dhe kulturore u bë dhuratë nga Ati Shenjtë, Papa Françesku I gjatë vizitës së tij në Tiranë më 21 shtator 2014. Një kopje në formë CD-je e “Mesharit” iu dorëzua edhe Drejtorisë Qendrore të Arkivit të Shtetit.

Në frymën e festimit të Krishtlindjes, ditën e enjte, më 25 dhjetor 2014, Institucioni i Kreut të Shtetit do të hapë dyert për publikun e interesuar të shikojë nga afër kopjen e “Mesharit” të Gjon Buzukut nga ora11.00 deri në orën 14.00.