Kumbaro-Milevska: Do rivitalizojmë Shtëpinë e Kongresit të Manastirit

Rivitalizimi i Shtëpisë së Kongresit të Manastirit dhe projekte të përbashkëta bashkëpunimi në fushën e kulturës dhe artit kanë qenë pikat e marrëveshjes së nënshkruar sot në Tiranë midis ministres së Kulturës të Shqipërisë, Mirela Kumbaro dhe ministres së Kulturës të Maqedonisë, Elizabeta Kançevska – Milevska. Dy ministret e kulturëës janë dakorduar edhe për përpilimin e një kalendari të përbashkët kulturor midis dy vendeve, në kuadër të një program të bashkëpunimi 2015 – 2020. 

Marrëveshja për palën shqiptare është konsideruar si pjesë e prioriteteve të këtij institucioni për krijimin e hapësirave kulturore pa kufi në rajon dhe për zhvillimin e mëtejshëm të bashkëpunimeve kulturore dhe artistike.

Shqipëria është një nga vendet e fundit me të cilat Maqedonia do të nënshkruajë marrëveshje bashkëpunimi pesëvjeçare. Dy vjet më parë një marrëveshje e tillë u nënshkrua me Kosovën, ndërsa me vendet e tjera të rajonit dhe më gjerë marrëveshjet funksionojnë prej shumë vitesh.