Kur ”fiken dritat” në Stamboll (FOTO)

Erdoğan, është gazetari që ka realizuar një album fotografik me jetën e errët të Stambollit. “Njerëzit janë shtyrë drejt natës”, thotë Çağdaş Erdoğan.

Fotoreporteri 26-vjeçar me origjinë kurde që rrezikon të burgoset, është pjesë e një grupi fotoreporterësh të pavarur, i cili përpiqet të japë një pamje tjetër të Turqisë, nga ajo që ofron media tradicionale, që gjithnjë e më shumë po bie në duart e shtetit. Edhe pse ka dalë me liri me kusht, nëse shpallet fajtor në gjyqin që pritet të mbahet në qershor, rrezikon deri në 23 vjet burg.

Megjithatë, libri i tij “Control”, me fotot e “jetës së natës” në Stamboll është publikuar tashmë dhe prej disa ditësh po ekspozohet në Paris.