Lamtumirë Pino Daniele

Këngëtari italian Pino Daniele është ndarë nga jeta natën e djeshme si pasojë e një infarkti.

Ka qenë menaxheri i tij i cili ka dhënë njoftimin e trishtë për mediat.

Daniele ndodhej në shtëpinë e tij në Toskanë kur u godit nga një infarkt dhe megjithë dërhyrjen e shpejtë të urgjencës nuk  ishte e mundur të shpëtohej.

Të shumta kanë qenë komentet ngushëlluese në rrjetet sociale nga Eros Ramazzoti, me të cilin do të mbante një koncert pas pak ditësh, Laura Pausini, Negramaro, Tiromancino etj.

Pino Daniele u nda nga jeta në moshën 59-vjeçare dhe mbahet mend për disa hite si: “Je so Pazo”, “Quanno chiove”, “Amore senza fine” etj.