Lara Stone, modelja holandeze bie “në dashuri” me Shqipërinë

Modelja Lara Stone pas një vizite duket se është terësisht e impresionuar dhe e dashuruar me vendin tonë. Modelja 31-vjeçare ka postuar në Instagram foto të realizuara në Tiranë, ndërsa shqiponja, që është simbol kombëtar i yni, i ka lënë asaj mbresa të mëdha.

Gjitha fotot e postuara, ajo i ka shoqëruar me #AlbaniaMania. Të martën ajo kishte postuar një pjesë të biletës së udhëtimit, ku shihej vendi i nisjes dhe destinacioni, në këtë rast Londra dhe Tirana.

Pas një foto nga avioni, Stone kishte publikuar një foto të sheshit “Shqiponja” që është në hyrje të Tiranës. Ndërkohë, në fotot personale ajo mban gjithmonë një kapele të kuqe, ku në pjesën qendrore të saj, është shqiponja e zezë.

Me gjithë motin e ngrohtë në kryeqytetin shqiptar, nuk mund të mungonte një akullore, që modelja holandeze duket se e ka shijuar, pasi e ka publikuar edhe në “Instagram”.

Lara Stone ka qenë imazh i disa kompanive të njohura si, “Calvin Klein”, “Givenchy”, “Roberto Cavalli”, “Prada”, ndërsa aktualisht është imazh i “L’Oreal Paris”.