Manastirliu: 240 mijë fëmijë kanë kryer vaksinat falas

240 mijë fëmijë kanë kryer vaksinat falas prej muajit tetor të këtij viti. Lajmi u bë i ditur nga ministrja e Shëndetësisë dhe Mirëqenies Sociale, Ogerta Manastirliu. ”Prej muajit tetor ka filluar në të gjitha Qendrat Shëndetësore në mbarë vendin aplikimi i vaksinës së re, rotavirus për mbrojtjen më të mirë të shëndetit të fëmijëve. Qëllimi i MSHMS është të nxisë vaksinimin si një investim afatgjatë për shëndetin dhe mirëqenien e fëmijëve”. Ministrja Manastirliu u shpreh se vaksinimi është pjesë e paketës së kujdesit shëndetësor parësor dhe ofrohet falas për të gjithë në çdo cep të vendit për moshat 0-18 vjeç me qëllimin për të patur një mbulesë vaksinale sa më të lartë. ”Mbulesa vaksinale në vend varion nga 95-99% me një mesatare prej 98% duke treguar për aksesin që ka çdo fëmijë për të kryer vaksinimin falas pavarësisht vendit ku banon apo gjendjes sociale dhe ekonomike”.