Martesa e 11-vjeçares me burrin 41-vjeçar shkakton zemërim në Malajzi

Martesa e një vajze 11-vjeç me një burrë 41-vjeç ka shkaktuar zemërim në Malajzi. Ata kërkojnë që mosha minimale për të gjitha martesat të ndryshohet në 18 vjeç.

Prindërit e saj thanë se pranuan që vogëlushja të bëhej gruaja e tretë e malajzianit vetëm nëse ai do të pranonte vajza të qëndronte në shtëpinë e tyre deri në moshën 16-vjeç.

Qeveria malajzeze tha se nuk ka asnjë regjistrim të martesës e cila ka ndodhur në Tajlandë, dhe se po bëhen hetime.

Agjencia e fëmijëve në OKB-së tha se kjo ishte “tronditëse dhe e papranueshme”.

“Nuk është në interesin më të mirë të fëmijës,”-tha përfaqësuesi i Malajzisë në Unicef, Marianne Clark-Hattingh.

Çfarë dihet për dasmën?

Janë shfaqur fotografi që tregojnë se dhëndrin e madh në moshë duke mbajtur dorën e vajzës pas ceremonisë së martesës.

Ai tashmë ka dy gra dhe gjashtë fëmijë të moshës nga pesë deri në 18 vjeç, thonë raportet e medias lokale.

Familja Tajlandeze e vajzës punon në shtetin malajzian veri-lindor të Kelantanit.

Aktivistët malajzianë thonë se dhëndri është tregtar, ndërsa prindërit e vajzës kanë jetojnë në varfëri.

Ndërsa mosha ligjore për martesë në Malajzi është 18 vjeç, gjykatat islamike të sheriatit mund të miratojnë martesat myslimane për vajzat nën moshën 16 vjeç.

Megjithatë qeveria malajziane tha se autoritetet fetare vendase nuk kishin asnjë dokument për këtë martesë.

“Pa leje nga një gjykatë fetare, martesa do të ishte e paligjshme dhe dhëndri mund të përballej me burgim deri në gjashtë muaj,”- tha Ministria për Zhvillim të Gruas, Familjes dhe Komunitetit.

“Martesa me një vajze 11-vjeçare është sjellje e një rrëmbyesi fëmijësh ose pedofili,”-tha aktivisti Syed Azmi Alhabshi për agjencinë e lajmeve AFP.

Aktivistët thonë se rreth 16.000 vajza malajziane nën moshën 15 vjeç janë tashmë të martuar, njofton AFP. Vitin e kaluar, Malajzia miratoi një ligj mbi krimet e seksit ndaj fëmijëve, por nuk e penalizoi martesën e fëmijëve.