Mbani shënim, kjo është lista me ushqimet që do të jenë shumë të famshme në 2021

Përveç vaksinës së Covid-19, diçka tjetër që do t’u bëjë të mendoni se 2021 është vit i mbarë, është lista e ushqimeve që do t’i lexoni më poshtë. Nutricionistët kanë dalë në konkluzionin se ka një listë me superushqime që do të jenë kryefjala e 12 muajve të ardhshëm. Super ushqimet në gjuhën e tyre janë ushqime të shëndetshme, të pasura me antioksidantë, fibra dhe me shumë përfitime për shëndetin tonë. Lajmi tjetër i mirë? Nuk ka asgjë nga lista më poshtë që nuk e hani.

1-Ushqimet e fermentuara

Turshitë, kos, yogurt dhe çdo gjë tjetër brenda një kavanozi. Janë të pasura me probiotikë dhe e ndihmojnë shumë sistemin e tretjes.

2-Boronicat

Nëse deri dje boronicat nuk gjendeshin brenda frigoriferit tuaj, kjo do të ndryshojë pas janarit. Janë të pasura me antioksidantë dhe fibra, prandaj mos i harroni!

3-Farat

Lloje të ndryshme farash s’duhet të mungojnë në raftet u ushqimeve sepse siç mund ta keni vënë re, fama e tyre do të jetë edhe më e madhe këtë vit. Janë një super mënyrë për t’i shtuar proteina dhe fibra vaktit tuaj.

4-Frutat ekzotike

Të pasura me potasium, antioksidantë dhe fibra. Miksojini dhe pini një lëng frutash për të pasur energji gjithë ditën!

5-Avokado

Ka disa vite që avokadoja është në krye të listës së ushqimeve të famshme, por jo pa arsye.

6-Spinaqi dhe çdo gjë tjetër jeshile

Shtojani spinaqin smoothie-it tuaj dhe mos ndani sallatrat! Janë dhe në modë, nëse ju duhej një tjetër arsye për t’u bindur.

7-Frutat e thata

Në fakt, kanë qenë dhe do të jenë gjithnjë super-ushqim!

8-Salmoni

I pasur me proteina dhe Omega 3, salmoni është gjithnjë zgjedhje e mirë, por sigurohuni të jetë shumë i freskët.