Mësojeni pse dekorimi në gotën e pijes, nuk hahet

Nëse deri më tani kokteilin e keni konsumuar së bashku me dekorimin e tij, nga sot e tutje do t’ju këshillonim të mos e bëni. Sipas një arikulli të Insider, feta e limonit apo çdo dekorim tjetër në servirjen e pijes tuaj mund të jetë mjaft i rrezikshëm për shëndetin nëse konsumohet.

Ju asnjëherë nuk e dini se çfarë ka përdorur baristi për ta vendosur limonin në pije. Mund të kenë qenë thjeshtë duart e tij, por a jeni të sigurtë që duart kanë qenë të pastra?

Për të mos përmendur më pas faktin që “zbukurimet” e servirjes në pjesën më të madhe të rasteve nuk mbahen në vende të përshtashme. Arsyeja është e thjeshtë, pasi duhet të lihen në një vend lehtësisht të dukshëm, në mënyrë që banakieri t’i shohë e t’i vërë në pije me lehtësi.

Gjithashtu dekorimet në një pije vendosen për t’i dhënë shijen dhe aromën e duhur kësaj të fundit. Kështu që nëse i hani ato që në fillim me siguri ju nuk do të mund ta shijoni më pijen ashtu siç duhet.