Miliarderi zviceran dhuron 1 miliardë dollarë për të shpëtuar planetin në 10 vitet e ardhshme

Një filantrop zviceran ka premtuar se do të dhurojë 1 miliard dollarë në 10 vitet e ardhshme për të shpëtuar planetin.

Miliarderi Hansjörg Wyss, tha se shpreson të ndihmojë në përshpejtimin e ruajtjes së tokës dhe të oqeaneve në mbarë botën duke mbështetur përpjekjet e konservimit në nivel lokal, duke financuar projekte shkencore dhe duke rritur ndërgjegjësimin e publikut për rëndësinë e kësaj çështjeje.

Nëpërmjet Fondacionit Wyss, miliarderi synon të ndihmojë në ruajtjen e 30 për qind të Tokës deri në vitin 2030 dhe, sipas fjalëve të tij, beson se kjo është e arritshme.

Miliarderi gjithashtu vuri në dukje se speciet e bimëve dhe kafshëve po zhduken me një normë 1.000 herë më të shpejtë se ato para se të shfaqeshin njerëzit.