Në Lillehamer të Norvegjisë kanë nisur finalet e Kupës së Botës për femra në ski, ku sot është zhvilluar gara e fundit sezonale e disiplinës së sllallomit. Në pistë për ngjyrat kuqezi zbriti skiatorja Lara Colturi.
Mes 24 pjesëmarrëseve në këtë garë, Colturi u rendit në vendin e 16 (triumfoi Mikaela Shiffrin). Pas dy zbritjeve, skiatorja 19-vjeçare dha kohën e përgjithshme 2’11”10, pas një gare lineare dhe pa shumë gabime.
Në zbritjen e parë, koha e dhënë nga Colturi ishte 1’10”13, duke u klasifikuar në vendin e 10-të. Ndërsa në zbritjen e dytë, koha e saj ishte 1’00”97, duke humbur disa pozicione në klasifkimin e përgjithshëm.
Në përgjithësi, paraqitja e Colturi në këto dy zbritje ishte e mirë, por mungoi agresiviteti i shfaqur shpesh në garat e para sezonale. Gjithsesi, ky mbetet një sezon i mirë për të në disiplinën e sllallom.