Milo: Nuk mbaj mend kur kam folur për herë të fundit me Ramën

Kreu i PDS-së Paskal Milo, thotë se raportet mes tij dhe Kryetarit të PS-së Edi Rama janë zero. I pyetur se kur kishte patur një bisedë politike për herë të fundit me kreun e socialistëve, Milo u shpreh se nuk e mbante mend. Sipas tij 2013 ishte koha kur fliste me Ramën para se PS-ja të vinte në pushtet. Më pas gjithçka është shuar deri në heshtje.

Milo tha se Rama mendon se partitë aleate janë parazite ndaj ka vendosur të mos i konsiderojë, por kjo do ta dëmtojë të majtën në tërësi sipas tij pasi fragmentarizimi nuk i shërben askujt.

Nga ana tjetër, Milo u shpreh i gatshëm për bashkëpunim me çdo forcë politike apo koalicion që do të shfaqë interes në kuadër të sistemit aktual elektoral që favorizon koalicionet në garën zgjedhore.