Mllefi i këngëtarit të njohur: Në 1999 politika ka qenë më e mirë sesa është në 2019
Djemtë e grupit “West Side Family” e kanë nisur muzikën që kur ishin në bankat e shkollës dhe arritën të bëheshin tepër të suksesshëm.
Këngëtari Roland Hysi, i ftuar në “Mos i fol shoferit” në RTV Ora zbuloi se tekstet e tyre ishin mllef dhe rebelimit ndaj politikës. Ai shprehet se për fat të keq nuk ka ndryshuar, madje atëherë ka qenë më mirë.
Roland Hysi: Ne kemi kënduar në bankat e shkollës kur kemi qenë unë, Flori dhe Miri. Për kohën, grupi jonë ishte avandgard sepse në tekste, dr.Flori me Mirin kishin bërë një këngë ku fituan cmimin “Teksti më i mirë”. Pra si të thuash, u pa se Flori që kishte një talent. Në 1999, kemi dalë në Këngën Magjike për herë të parë me këngën “Deluzion”.
Është e trishtë ta thuash që të njëjtën këngë mund ta këndosh pa hequr asnjë presje tani. Ishte një mllef kundër politikës dhe mënyrës së keqqeverisjes dhe nuk ka ndryshuar asgjë. Madje mund të them se në 1999, politika ka qenë më e mirë sesa është në 2019.
Ishte një rebelim ndaj politikës dhe këngët tona kanë qenë gjithmonë me tematika sociale. Këngë që kush i dëgjon, do thoshte që është histori e jetës time, por po e dëgjoj nga ju të thënë në vargje. Ishte dicka që cdokush ndihej mirë dhe bëhej pjesë e West Side Family.
Landi i “West Side Family” bën një tjetër punë përvec muzikës. Ai është drejtori i organizatës “Special Slympics” që ka në fokus.
I ftuar në “Mos i fol shoferit” në RTV Ora, ai zbuloi si është të jesh drejtor. Ndër të tjera shpjegoi se qëllimi i organizatës është ti mundësojë këtyre personave që të përfaqësojnë Shqipërinë në botë.
Roland Hysi: Jo më larg se para 2-3 ditësh po bisedoja me një person që tha, kam djalin me sindromën down dhe vetë familja e mban me ose pa dashje të izoluar nga shoqëria sepse kanë frikë se fëmija apo i afërmi i tyre stigmatizohet apo bie pre e bullizmit.
Duhet që hapi i parë që fëmijët apo personat me aftësi të kufizuara intelektuale të asociohen pranë shkollave, pranë qendrave dhe ne si organizatë që kemi qëllim sportin dhe gjithëpërfshirjen e kësaj kategorie nëpërmjet sportit, kemi në plan që të shtrihemi në të gjithë Shqipërinë për ti trajnuar minimalisht dy herë në javë në sporte të ndryshme dhe pastaj ti japim mundësinë që të mundin të përfaqësojnë Shqipërinë.
Këngëtari kujton fjalët e Ramës: Më tha që mund të isha kryebashkiak, por …
Grupi “West Side Family” mori vëmendje të madhe në vitet 2000 dhe të gjithë e dashuronin muzikën e tyre. Madje ishin të përzgjedhurit e kryebashkiakut të kohës, Edi Rama për të sjellë këngën “Tirona” për fushatën zgjedhore.
Gjatë intervistës për “Mos i fol shoferit”, Landi zbuloi se kryeministri aktual i premtoi se mund të ishte kryebashkiak, por nuk e mbajti fjalën.
Roland Hysi: Famën më të madhe e arritëm në 2002. Ishte një moment kur kryetari i Bashkisë së kohës, z.Edi Rama tha se këta cunat do ecin shumë, kanë talent, meritojnë të fitojnë etj. Për mua tha që mund të isha kryetar bashkie, nuk e mbajti fjalën me thënë të drejtën.
Nuk u mbajtëm fort pas famës. Edhe kur ishim në Petro Nin, e kuptuam se cfarë do të thotë famë. Atje ishim ndër grupet që spikatëm dhe pëlqeheshim fillimisht nga shkolla dhe lagjia. Por duke qenë se e dinim cfarë donim dhe ku do të shkonim, nuk mbaheshim pas famës.
Kujdesi për fëmijët e Dr.Florit, Landi: E kam në gjak
Lajmi se Dr.Flori u nda nga jeta i trishtoi të gjithë, sidomos familjen dhe miqtë e tij. Gjatë intervistës për “Mos i fol shoferit” Landi zbuloi se prej tij ka shumë kujtime të bukura.
Roland Hysi: Me Dr.Florin kam shumë kujtime të bukur. Kujtimi më i bukur është që ditën e parë që e njoha deri në ditën e fundit që iku. Është një humbje për West Side dhe për Shqipërinë. Do bënte shumë punë me këtë realitet të coroditur me këngët që bënte. Nuk mund të vecoj vetëm një kujtim të mirë.
Artisti i njohur la pas gruan dhe dy fëmijët, Kaltrina dhe Daniel, për të cilët kujdeset shumë miku i tij, Roland Hysi. Këngëtari rrëfeu një histori me babain ku nënkuptoi se kujdesin ndaj fëmijëve të Dr.Florit e ka në gjak.
Roland Hysi: Babai im ka patur një shok që e donte shumë, ishte 10 vite më i vogël, fëmijë i vetëm. Ishte me të gjitha notat 10. Ditën e fundit të pushimeve, ai u mbyt dhe ishte tragjedi. Babai u mërzit shumë, sa që një ditë më mbrapa, pasi linda unë, i propozoi familjes që unë të kisha emrin e tij.
Pra, unë dhe babai im, deri në ditën që e ëma dhe i ati i tij ishin të vetmit persona që vizitonte rregullisht. Në varret e tyre respektivisht vendoste lule dhe kujdesej gjatë gjithë kohës për familjen. Duhet të tërheqë pak geni, gjaku dhe kjo duhet të jetë cështja e kujdesit tim. Më vjen natyrshëm.
