Moikom Zeqo prezanton portretin e panjohur, Skënderbeu i plagosur!

Moikom Zeqo prezantoi një portet ndryshe dhe i panjohur për publikun shqiptar të Skënderbeut dhe thotë se ky portret që me shumë gjasa është origjinali, ndodhet në galerinë Uffici në Firence.

“Në tëmthin e djathtë dallohet qartë shenja e një plage dhe për këtë subjekt kam shkruar vite më parë në një studim,” – shpjegon Zeqo, në profilin e tij Facebook.

Por ka pasur reagime të shumta në lidhje me plagën e Skënderbeut, gjë për të cilin  nuk ka asnjë dokument historik. Disa pretendojnë se e ka plagosur i vëllai kur ishte i vogël, disa mendojnë se u plagos në një betejë më turqit e ka reagime të shumta, madje edhe fyese ndaj figurës së heroit tonë kombëtar.   

 Moikom Zeqo, është përpjekur të shpjegohet më pas.  

“Në vitin 2005, në 600- Vjetorin e lindjes së Skënderbeut, kam mbajtur një kumtesë për ikonografinë e Skënderbeut.

“Kopja e Altisimos bazohet në një vepër origjinale të një autori tjetër që nuk ia dimë emrin. Por ka gjasa që ky është portreti origjinal i Skënderbeut.”

“Plaga në tëmth nuk mund të shpiket. Ka mundësi të jetë portretizuar kur Skënderbeu ka qenë në Napoli dhe ku i është dhuruar edhe “Codex Skënderbeg”, që ndodhet sot në Biblotekën e Vajmarit dhe unë e kam botuar për herë të parë në Shqipëri në vitin 2005,” – sqaron Moikom Zeqo.