Ngrohja globale “kërcënon” birrën!

Kjo situatë po bëhet serioze. Në mbarë botën, gjatë dekadave të ardhshme, sasia e birrës do të rrallohet dhe në këtë mënyrë do të bëhet edhe më e shtrenjtë për shkak të ngrohjes globale të shkaktuar nga njeriu. Sipas një studimi së fundmi, prodhimi i elbit, i cili është edhe përbërësi kryesor i birrës, ka të ngjarë të bjerë ndjeshëm, sepse thatësirat e mëdha dhe ekstremet e nxehtësisë do të bëhen më të shpeshta me ndryshimet klimatike. Humbjet mesatare të prodhimit (të elbit) variojnë nga 3 për qind në 17 për qind, në varësi të ashpërsisë së kushteve.

“Kushtet e klimës dhe si pasojë edhe ato të çmimeve në të ardhmen mund ta bëjnë blerjen e birrës të papërballueshme për qindra miliona njerëz në mbarë botën”, -tha bashkë autorja studimore Nathan Mueller nga Universiteti i Kalifornisë Irvine. Ky është studimi i parë që përcakton ndikimin e ndryshimeve klimatike në birrë, pijen alkoolike më popullore në botë. Hulumtuesit përdorën modele kompjuterike për të parashikuar efektet e mundshme të klimës ekstreme në prodhimin e elbit në 34 rajone në mbarë botën. Ata shqyrtuan efektet e rënies së furnizimit me elb dhe çmimit të birrës në çdo rajon sipas disa skenarëve të klimës.

Mesatarisht, çmimet e birrës ka gjasa të dyfishohen, ndërsa elbi bëhet më pak i disponueshëm, sipas studimit. Një nga vendet më të prekura do të ishte Irlanda – ku çmimet e birrës mund të rriteshin 338 për qind deri në vitin 2099. Sa i përket konsumit, sasia globale e birrës së konsumuar mund të bjerë deri në 16 për qind. Në skenarin më të keq, në vendet ku elbi rritet – duke përfshirë Europën, Australinë dhe stepat aziatike – ishin parashikuar të përjetonin thatësira më të shpeshta dhe valë të nxehtësisë.

Mundësia e kushteve të motit që dëmtojnë prodhimin e elbit do të rritet nga rreth një dekadë përpara vitit 2050 tregoi hulumtimi.