Një imazh i ri për artin dhe kulturën lezhjane

Flet për gazetën, drejtori i Pallatit të Kulturës Lezhë, Mark Gjoka, “Mjeshtër i Madh”.

Pallati i Kulturës “ Dedë Nudue Lazri “ në qytetin e Lezhës, në zbatim të politikave kulturore për artin dhe kulturën, ka si mision; të zgjojë ndjesitë e artdashësve për artin dhe kulturën lezhjane dhe me vizionin; për të bërë kulturën dhe artin lezhjan sa më objektiv, për ta integruar atë në kulturën dhe artin shqiptar, evropian dhe botëror dhe qëllimin; ta kthejnë artin, kulturën , turizmin kulturor dhe trashëgiminë kulturore lezhjane në një destinacion të ri të kulturës shqiptare dhe me gjërë. Kështu prononcohet për gazetën “Koha Jonë”, z. Mark Gjoka., Mjeshtër i Madh.

Për vitin 2014, duke patur në themel kalendarin e veprimtarive kulturoro-artistike të programuara e të zhvilluara me mbështetjen e Bashkisë Lezhë, e kryetarit z. Viktor Tushaj , ka hedhur për zbatim disa projekte ; zgjerimin e institucionit të Pallatit të Kulturës, në shtëpinë e kulturologëve e kulturëdashësve, të artistëve , krijuesve dhe komunitetit . Rritja e cilësisë dhe origjinalitetit në aktivitetet e planifikuara, duke synuar interpretimin e tyre direkt, rritja e imazhit të institucionit dhe punës sonë, duke ndarë të njëjtat vlera me të tjerët, puna në ekip dhe bashkërendimi i saj me sektorët, operatorët, institucionet, partnerët, që do të vazhdojë edhe në të ardhmen, thekson z. Gjoka, si DAR Lezhë, shkollat , shoqatat kulturore, Komiteti Rinor, Shega Lezhjane, “Essa” e Komunitetit Rom dhe Egjiptian, Shoqatat e Romëve të Veriut, Qyteti Krijues I Lezhës, Bashkinë e komunat e Lezhës, Ministrinë e Kulturës dhe QKFV , Vizion Rinor, Ëord Vizion Lezhë etj. me idenë ; që t`i kthejmë Lezhës madhështinë kulturore dhe artistike, t`i kushtojmë vëmendje vlerësimit dhe gjykimit të qytetarëve, projektet tona të kenë si objekt ; artin, kulturën, turizmin dhe trashëgiminë sa më atraktive për brezat.

JAK RROZHANI