Noah jeton në vitin 2030: Tregon kur njeriu shkel në Mars, kanceri dhe SHBA…

Videot e Noah, një i ri misterioz janë publikuar nga Apex TV, një kanal me 100 mijë ndjekës në Youtube dhe mbi 56 milionë shikime të videove në total. Noah, i vetë quajtur kështu, testohet në makinën e së vërtetës. Në prezantim ai thotë se vjen nga viti 2030.

Ai ka parashikuar se Donald Trump do të rizgjidhet në krye të Shtëpisë së Bardhë, se robotët e Google do të përhapen në të gjithë botën dhe teknologjia do të ketë avancuar në atë pikë sa inteligjenca artificiale do të jetë krejtësisht autonome.

Në vitin 2030, President i Shteteve të Bashkuara do të jetë një figurë misterioze me emrin Ilana Remikee, ndërsa për ndryshimet e klimës thotë se SHBA do të bëhet më e nxehtë dhe Europa më e ftohtë.

Sipas Noahs, njerëzit do të shkelin në Mars në vitin 2028 dhe po në të njëjtin vit do të zbulohet edhe udhëtimi në kohë.

Noah pretendon se është një 50-vjeçar që ka marrë një kurë për t’u rinuar dhe tani duket si 25-vjeç. Të gjitha këto pretendime, thotë Apex TV, Noah i ka bërë në makinën e së vërtetës duke e kaluar me sukses testin. Sa të vërteta ka mes tyre? 2030 nuk është larg për ta provuar këtë!