Nuk është lojë, studimi: Hashashi të çon në depresion të rëndë

Përdoruesit e hashashit kanë më shumë gjasa të përjetojnë emocione negative, bën të ditur një studim i ri. Ata që përdorin këtë drogë kanë më shumë gjasa të mendojnë se të tjerët dëshirojnë që ata të dëmtohen apo të mashtrohen, thotë studimi amerikan.

Skanimi i trurit tregon se droga e klasit B rrit sinjalet lidhëse mes dy rajoneve të trurit, që më parë lidheshin me psikozën, shton studimi, dhe që lidhet me mjaft depresione të rënda.

Sidomos adoleshentët në veçanti pasi truri i tyre është ende në zhvillim thotë studimi. Studimi është bërë nga Instituti Kombëtar i Alkolizmit dhe abuzimeve me alkolin në Bethesda, Maryland, SHBA.

Lidhja mes hashashit dhe shëndetit mendor

Dr. Cameron Carter, redaktor në gazetën Psikiatria Biologjike, thotë se: “Këto të dhëna të imashit të trurit tregojnë një lidhje mes ndryshimeve në sistemin e trurit të përfshirë në njohje dhe psikopatologji, dhe abuzimet kronike të hashashit, duke sugjeruar një mekanizëm sipas të cilit konsumi i madh i kësaj droge të përhapur çon në depresion dhe forma të tjera më të rënda sëmundjesh mendore”.

Njerëzit që përdorin hashash 2-3 herë në javë në moshën 17-vjeçare, janë më të predispozuar të përjetojnë hipomaninë në të 20-tat, sipas studimit të parë të një lloji të tillë.