Nuk ra dakort për çmimin e nuses, divorcohet nga gruaja 15 minuta pas martesës

Një dhëndër është divorcuar nga nusja vetëm 15 minta pasi u martuan, sepse u ndje i ofenduar nga kërkesa e çmimit të nuses që i bëri vjehrri.

Ai pranoi që t’i paguante vjehrrit 20.000 paund për martesën në Dubai, por ky i fundit nuk po duronte për të marrë paratë.

Anëtarët e familjes dhe miqtë shoqëruan çiftin në gjendjen civile për të nënshkuar kontratën e martesës. Por dhëndri dorëzoi 10.000 dollarë, ndërsa pjesën tjetër do t’ia jepte më vonë. Megjithatë vjehrri i kërkoi të gjitha paratë menjëherë.

Dhëndri i kërkoi që të shkonte t’i merrte në makinë, por vjehrri në vend që ta lejonte, i tha që të dërgonte një mik ose të afërm t’i merrte paratë, ndërsa vetë të qëndronte në gjendjen civile.

Dhëndri u ndje i fyer ndaj kërkesave dhe hoqi dorë nga martesa.

Ai i tha babait të nuses se nuk e donte vajzën e tij si grua dhe u divorcua në më pak se 15 minuta pas nënshkrimit të kontratës së martesës.

Por kjo nuk është martesa më e shkurtër në historinë e Emirateve, një tjetër zgjati vetëm pak sekonda.

Në vitin 2012 dhëndri u largua nga gjendja civile, sepse vjehrri i kërkoi që ta linte nusen të punonte.