Pas “seksit” me 20 fantazma, vajza pranon të martohet me njërin prej tyre

Një 30-vjeçare nga Anglia nuk është aspak e shqetësuar që mendon se është rrethuar nga fantazmat.

Amthyst Realm tronditi publikun e gjerë para disa kohë duke deklaruar se kishte fjetur me 20 fantazma. Meshkujt nuk i bënin më përshtypje, prandaj ka zgjedhur që të martohet me njërin prej tyre.

Në intervistën për “This Morning”, zbuloi se fantazma që e propozoi quhet Ray. Ajo ka dëshirë të bëhet nënë me fantazmën, por nuk ia ka thënë idenë që të mos e trembë.

Amthyst shpjegoi se hera e parë që kishte takuar një fantazmë ishte gjatë një udhëtimi biznesi për në Australi.

“Unë nuk do flirtoja me një fantazëm ndërkohë që isha në udhëtim për biznes. Fillimi i një lidhje dashurie ishte gjëja e fundit që më vinte në mendje. Por, një ditë kur po ecja nëpër shkurre e po shijoja natyrën, papritmas ndjeva këtë energji të pabesuese. Kishte ardhur një i dashur i ri”, tha ajo.

Sipas saj, fantazmat e shoqëruan deri në shtëpi. Për të është gjë normale, por e pranon që njerëzit e kanë të vështirë ta kuptojnë këtë ndjesi që përjeton me fantazmat.