Personazhi i Vitit 2018: Studentët apo Edi Rama

Sot u mbyll faza e propozimeve nga publiku për të përpiluar listën e të nominuarve për Personazhin e Vitit 2018. Sondazhi i organizuar nga Top Channel nxorri në pah dhjetë persona që me veprimet e tyre, morën jo vetëm vëmendjen e publikut shqiptar, por edhe zemrat.

Në vend të parë qëndrojnë studentët, të cilët i propozuan mbi 2700 njerëz. Protestat e tyre bënë që në vend të vijë erë ndryshimi, ndërsa përkushtimi i pandalur tregoi pasionin i këtij brezi për një të ardhme më të mirë.

Ironikisht, në vend të dytë ndodhet Edi Rama, kundërshtari në njëfarë mënyrë i studentëve. Edi Ramën e propozuan thuajse 700 persona. Në vijim, listohen Marin Mema, Erion Veliaj, Arbër Hajdari (fondacioni i të cilit fitoi të njëjtin çmim vjet), Elvis Naçi, Flori Mumajesi, Taulant Muka, Lorik Cana dhe e fundit, Dua Lipa.

Fituesi do të shpallet më 31 dhjetor, gjatë edicionit të fudnit të lajmeve për këtë vit. Mund të jepni votën tuaj në këtë link.