Petrika Mele: Të rinjtë, lokomotiva që çon LSI-në në koordinata të reja politike!

Në takimin e zhvilluar sot në Korçë, ku ishte e pranishme dhe kryetarja e LSI, Monika Kryemadhi, drejtuesit e degës së partisë në këtë qytet vunë theksin në numrin e madh të të rinjve që ka kjo degë.

Koordinatori i LSI në Korçë, Petrika Mele u shpreh se të rinjtë janë ata që përbëjnë bazën e votuesve të LSI-së, pasi programi i saj është në funksion të zgjidhjes së problemeve të tyre.

“Lëvizja Socialiste për Integrim 16 vjet më parë lindi si sfidë, lindi si gjeneratori i përshpejtimit te reformave qe synonin integrimin e vendit ne Bashkimin Europian për integrimin, ndërsa sot padyshim LSI është faktori më përcaktues në politikën shqiptare. Imperativa e LSI sot është rikthimi i kohezionit social dhe ringjallja e ekonomisë. Kjo sallë dominohet nga të rinjtë, dhe janë pikërisht të rinjtë lokomotiva  morale që do e çojë LSI në koordinata të reja politike! Alternativat e skaduara politike nuk e perceptoj…”,- tha Petrika Mele.