Prezantohet libri “Essays on Culture, Politics and Power”

Ministria e Trashëgimisë dhe Aktiviteteve kulturore të Italisë, ka prezantuar së fundmi në Romë për komunitetin ndërkombëtar të kërkuesve shkencorë dhe akademikëve, vëllimin me titull Essays on Culture, Politics and Power të sociologut të shquar Italian, Franco Ferrarotti, si numër special në gjuhë angleze të revistës  Academicus – International Scientific Journal.

Academicus International Scientific Journal, është një revistë me qendër në Vlorë e cila në  bashkëpunim me qarqet akademike italiane ka botuar një ese cilësore, të pranishme aktualisht  në bibliotekat më të rëndësishme të botës; një studim që ka qëllim të jetë një kontribut për kërkuesit  dhe studuesit në fushën e sociologjisë jo vetëm në Mesdhe por edhe më gjerë.

Konsullata e Përgjithshme e Italisë në Vlorë, duke e konsideruar kulturën dhe edukimin si faktorët prioritarë të bashkëpunimit mes Shqipërisë dhe Italisë dhe ndikimin e tyre të jashtëzakonshëm në proceset integruese të Shqipërisë, organizon në Sallën e Konferencave një konferencë për shtyp  ditën e Premte, 23 Janar 2015, ora 11.00 për t’i prezantuar shtypit shqiptar  këtë botim.