Pse Meghan i vesh këpucët një numër më të mëdhaja?

Këtë javë, në garën e hipizmit “Royal Ascot 2018”, Meghan Markle veshi këto këpucë dhe njerëzve nuk u shpëtoi një detaj i vogël: këpucët i rrinin pak të mëdhaja.

Ato ishin lëkurë e zezë, me majë dhe pak takë. Tani, cila është arsyeja që Meghan shkoi veshi këpucë jo në numrin e saj?

Ekspertja e fashion- it Harriet Gavey zbuloi për “The Sun” se me shumë mundësi kjo ishte një gjetje e zgjuar nga ana e Dukeshës.

“Të famshmit përgjithësisht i blejnë këpucët 2 numra më të mëdhenj për të shmangur fërkimin dhe bashkë me të edhe flluskat e dhimbshme. Nuk ka gjë më të keqe se një palë këpucë të parehatshme dhe kur njerëz si Meghan rrinë me taka gjatë gjithë kohës, këmbët fryhen. Enjtja shkakton irritim në pjesën e thembrës dhe fërkim veçanërisht brenda gishtit të madh të këmbës. Probleme që prej kohësh është përfolur se i ka Victoria Beckham, një adhuruese e zjarrtë e takave.”

Nga ana tjetër Harriet tha se nuk është aspak e lehtë të ecësh me këpucë që të rrinë të mëdhaja, madje është një sfidë më vete.

“Një hile që bëhet zakonisht është kjo: merret pak pambuk dhe futet në mes të gishtërinjve. Kjo lind nevojën që këmba të kërkojë më shumë hapësirë në këpucë.”