Rama: Tirana dhe Durrësi të ndriçohen për festa

Kryeministri Edi Rama kërkoi sot në mbledhjen e jashtëzakonshme të qeverisë që Tirana dhe Durrësi të zbukurohen për Krishtlindje dhe Vitin e Ri. Në fjalën e tij, Kryeministri Rama theksoi se “Tirana, Durrësi duhet të ndriçohen për Vitin e Ri dhe Krishtlindjet, njësoj si qytetet e tjera të vendit”. Kreu i qeverisë tha se duhet të jenë qytete ku kthehet jeta plotësisht dhe ku atmosfera e Vitit të Ri do të jetë edhe më e bukur seç ka qenë vitet e tjetra, mundësisht.