Raporti mbi viktimat nga Covid-19 në Itali, 83,7 vjeç mosha mesatare për femrat dhe 70,6 vjeç për meshkujt

Insituti Italian i Shëndetit Publik ka prezantuar raportin e fundit i cili ka analizuar karakteristikat e viktimave nga koronvirusi në Itali.

Gjinia dhe mosha

Raporti ka analizuar 2,003 viktima të infektuar nga COVID-19  dhe mosha mesatare e tyre është 79,5 vjeç nga të cilët 30% janë femra.

Mosha mesatare e viktimave është 15 vite më e lartë se e personave të infektuar nga koronavirusi. Viktimat e gjinisë femërore kanë një moshë më të lartë se meshkujt (83,7 vjeç për femrat dhe 70,6 vjeç për meshkujt).

Vetëm 17 pacientë janë nën moshën 50 vjeç,  5 prej tyre të gjithë meshkuj ishin nga mosah 31-39 vjeç.

Patologjitë

Vetëm 3 nga 2,003 viktimat të marrë në analizë në kuadrin klinik, nuk vuanin nga asnjë patologji kronikë para prekjes nga koronavirusi.

Mesatarisht viktimat vuanin nga 2 ose 3 patologji kronike. Rreth 76,1% e tyre vuanin nga hipertensioni, 35,5  % nga diabeti, 33 % nga sëmundje kardiake, 20.3% nga tumore të diagnostikuara gjatë 5 viteve të fundit, 18% nga veshkat.

Simptomat

77% e viktimave kanë shfaqur temperaturë të lartë, 74% marrje fryme., 42% kollë dhe 7% diarre.

5,2% e viktimave nuk kanë shfaqur asnjë simptomë para shtruarjes në sptial.

Komplikacionet

Pas prekjes nga koronavirusi 97,2% e viktimave. kanë pasur si komplikacion kryesor mungesën e frymëmarrjes, 27,8% një dëmtim akut të veshkave, 10,8% një dëm akut mikrokardiak, dhe 10.2% shumë infeksione.

Terapitë

83% e viktimave janë kuruar me antibiotikë, 52% me antiviralë dhe 27% me terapi steroid. Kurimi në shumicën e rasteve me antibiotikë lidhet me diagonostikimin e mjaft infeksioneve tek pacientët si dhe  me nisjen e një  terapie empirike tek pacientët me pneunomi deri në pritje të konfirmimit laboratik me COVID -19.

Në 14.9% të rasteve janë përdorur të tre tipet e terapive.

Koha

Nga momenti i shfaqjes së simptomave e deri në vdekje, koha mesatare ka qënë 8 ditë. Nga shfaqja e simptomave deri në shtrimin në spital janë dashur mesatarisht 4 ditë e 4 ditë të tjera nga shtrimi në spital deri në momentin e vdekjes.