Rea Xhillari fiton gjyqin ndaj disa portaleve

Rea Xhillari ka fituar betejën ligjore me Artur Zhejin, Çim Pekën dhe pesë portale të tjera, që publikuan një lajm të rremë për jetën e saj private. Artur Zheji, që drejton protalin 360 gradë, Syri.net Standart.al, Telegraf.al, “Jeta os qejf” dhe Fax News e Kasëm Hysenbelliu, Boldnews e Jetmir Olldashit, janë shpallur sot fajtorë nga Gjykata e Tiranës, duke u dënuar përkatësisht Syri.net Standart dhe Telegraf me një milion lekë të vjetra, Artur Zheji me 3 milione lekë të vjetra, si dhe detyrimin për të botuar në faqen e tyre përgënjeshtrimin e lajmit që kanë botuar, duke hequr lajmin e rremë.

Portalet e tjera po ashtu u denuan me gjobe, si dhe detyrimin për të botuar në faqen e tyre përgënjeshtrimin e lajmit. Të shtata portalet e lidhura me Partinë Demokratike dhe njëra me familjen Berisha, kanë shpifur ndaj Rea Xhillarit, duke botuar lajmin e rremë për gjoja lidhjen e saj me ministrin Gent Cakaj.

Lajmi ishte pjesë e një fushate përbaltëse pas ndryshimeve të vitit të kaluar në qeveri, pasi Cakaj u emërua ministër i Jashtëm. Artur Zheji pati reaguar pas fillimit të procesit gjyqësor, duke thënë se “Bashkëjetesa” jote më Cakajn, është ndoshta një shpikje, që buron nga panatyrshmëria absolute se si Cakaj, u katapultua nga xhepi i vogël i xhaxhi Edit, në atë detyrë të lartë, nuk e di ç’të them…”

Vendimi i Gjykatës i çertifikon shtatë portalet si shpifës ndaj Xhillarit dhe përveç shumës simbolike të dënimit, i detyron ato të botojnë në faqen e portaleve të tyre vendimin e Gjykatës kundër lajmit të rremë.(TemA)