Revista “People” shpall Pink femrën më të bukur në botë

Si çdo muaj prill edhe këtë vit revista prestigjioze, “People” ka shpallur në kopertinën e këtij muaji se cilën kanë cilësuar si femrën më të bukur në botë për vitin 2018. Këngëtarja e famshme P!nk është vlerësuar me këtë status, megjithëse nuk e priste fare.

Ajo ka qenë e ftuar në emisionin e Ellen DeGeneres, ku ka shprehur mirënjohjen e saj. P!nk rrëfeu se mendon se u shpall femra më e bukur në botë për shkak të humorit dhe personalitetit të drejtpërdrejtë që e karakterizon.

38-vjeçarja është e lumtur që shoqëria ka filluar t’i vlerësojë njerëzit për karakterin e tyre dhe jo nga pamja e jashtme. Në kopertinën e revistës ajo shfaqet së bashku me dy fëmijët e saj, Willow dhe James dhe rrëfen se si po përpiqet të rrisë dy fëmijë të fortë në një botë kaq të ashpër.