Rikthehet në skenë Tina Turner

Këngëtarja veterane e lindur në Amerikë, Tina Turner, u largua paksa nga rutina e pensionit për të sjellë në treg muzikë të re që përfaqëson jetën e saj. Këtë gjë këngëtarja e bëri të martën më 17 tetor në Londër. Fjala nuk është për ndonjë album muzikor, por për shfaqjen muzikore, “TINA”, me regji të Phyllida Lloyd dhe me aktoren e nominuar për çmim Tony, Adrienne Warren, në rolin e divës Tina Turner. Musical-i është krijuar me ndihmën e vetë këngëtares dhe besohet se sjell historinë e pa treguar të një femre, e cila guxoi t’i tejkalojë të gjitha barrierat që i sjell mosha, gjinia dhe raca e saj. Shfaqja muzikore “TINA” do të hapet në teatrin “Aldwych” të Londrës, në prill të vitit të ardhshëm.