Rivali i Veliajt për Tiranën? Reagon imami Naçi: Kam një pasion të madh

Prej dy ditësh në mediat online ka qarkulluar lajmi se PD-ja e kishte zgjedhur kandidatin që do të garonte përballë Erion Veliajt për kreun e Tiranës, do të ishte imami Elvis Naçi.

Lajmi kishte buruar nga një status në rrjetet sociale të gazetarit Bledi Mane, e cili e mbështeste tezën e tij te fakti se imami është i afërt me familjen e vajzës së ish-kryeministrit Sali Berisha.

Po menjëherë pas këtyre zërave ka reaguar vetë imami Naçi, i cili shkruan se as nuk është marrë ndonjëherë me politikë, dhe ka vendosur që deri në fund të jetës së tij të mos merret.

Naçi shkruan se pasioni dhe dashuria e tij më e madhe është të tregojë se kush është krijuesi i gjithësisë dhe me sa të mundet të krijojë një Shqipëri të begatë.

“Nuk jam marrë ndonjëherë me Politikë dhe jam i vendosur të mos merrem deri në ditën e fundit të jetës, kam një pasion dhe dashuri të madhe kur shpjegoj kush është Krijuesi i Gjithësisë dhe sa kam mundësi do përpiqem gjithmonë për ta bërë Shqiptarinë më të begatë dhe më të bukur! Paqe dhe mirësi uroj për njerëzit e mirë”, shkruan Naçi në një reagim të tijin në rrjetet sociale, duke i dhënë kështu fund çdo aludimi./faxweb/