Në SHBA duan Edi Ramën president

Përballimi i betejës me koronavirusin nga kryeministri Edi Rama ka tërhequr vëmendjen e mediave botërore. Shumë liderë e marrin në telefon dhe e pyesin sesi ja bën që po mban një popull brenda në shtëpi dhe nuk u jep asnjë kokërr leku? Kryeministri ende nuk ua tregon sekretin, por u thotë të konsultohen privatisht me Arben Ametaj.

Pas intervistave për sportin, pikturën dhe jetën private që dha kulmin e krizës së koronavirusit në Itali, kreu i qeverisë po shihet me admirim dhe nga amerikanët.

Sondazhet e fundit në median e SHBA thonë se shumica e amerikanëve do të donte të kishte Edi Ramën president. Kjo ide duket se është përkrahur dhe nga një pjesë e politikës në SHBA, pasi kujtojnë me nostaligji kohën kur Edi Rama ishte i vetmi lider botëror që doli në CNN dhe shau me libër shtëpie presidentin e SHBA-së, Doland Trump.

Burime nga Kryeministria thonë se nuk dinë detaje për ofertën, pasi zyrat e qeverisë tani janë në Surrel. Por shtojnë se kryeministri ose siç i pëlqen të quhet tani “babai i kombit” po mendohet edhe pse ka kundër Elisa Spiropalin, Taulant Ballën dhe Ulsi Manjën që nuk pranojnë asnjë baba tjetër.

Rubrika satirike “Vipa dhe Rripa”