Nga Trashgim Sokolaj
Atdheu hyri në listën gri të pastrimit të parave ku kishte qenë në periudhën 2011-2015 dhe kishte dalë në 2015-n, pas disa viteve përpjekje e arritje te qenësishme (jo llafe, edhe pse gjithnjë ka vend për më shumë e më mirë).
Tani në fakt ne nuk na vendosën në atë listë, pasi ne aty e kemi vendin dhe në këtë lajm të keq, është për t’u vlerësuar fakti se Task Forca Financiare (FATF) e MONEYVAL ka vënë më në fund gishtin në plagë.
Treguesit që na kanë çuar në këtë gjendje, janë aty dhe bërtasin pa u dëgjuar nën zhurmën e propagandës:
Për veprën penale “Pastrimi i produkteve të veprës penale ose veprimtarisë kriminale” të parashikuar nga neni 287 i Kodit Penal, janë regjistruar 257 procedime, ndërkohë 17 procedime janë dërguar për gjykim, ose krahasuar me vitin 2017 me ulje prej 16 % të numrit të procedimeve të regjistruara për këtë vepër.
Për veprën penale “Financimi i terrorizmit” të parashikuar nga neni 230/a i Kodit Penal janë regjistruar 4 procedime penale ose krahasuar me vitin 2017 me ulje 33 % të numrit të procedimeve të regjistruara për këtë vepër.
Sipas të dhënave statistikore evidentohet se ka një ulje prej 37 % Raporti Vjetor mbi Gjendjen e Kriminalitetit Viti 2018 të numrit në total të procedimeve të regjistruara për veprat penale të korrupsionit, dhe rritje prej 63,83 % të procedimeve të dërguara në gjykatë në krahasim me vitin 2017.
Në lidhje me të pandehurit, për këtë grup veprash penale, vihet re një ulje prej 10,71 % e numrit të pandehurve të regjistruar përkundrejt këtij totali në vitin 2017 dhe një rritje prej 20,83 % e numrit të pandehurve të cilët janë dërguar në gjykatë.
Këto janë çfarë ka ndodhur realisht, përtej zhurmës dhe propagandës.
Gazetari dhe redaktori i lajmeve ne Ora News, Trashgim Sokolaj