“Shqipja në bën shqiptarë”, premiera e dokumentarit shfaqet te “Marubi”

Personazhe të njohur që kanë jetuar në dy kohë të ndryshme, rrëfejnë për herë të parë të gjitha ngjarjet që kanë përjetuar përmes një dokumentari mjaft interesant.

Dokumetari “Shqipja në bën shqiptarë” u transmetua ekskluzivisht  në sallën e kinemasë Marubi, pasi ishin vetë ish-studentët e Marubit të cilët iniciuan këtë projekt në mënyrë vullnetare.

Protagonistët e këtij dokumetari Visar Zhiti, Diata Culi, Edmond Tupe, do të rrëfejnë gjithçka rreth veprave dhe krijimtarisë së tyre.

Për autorin e njohur Ermir Nika, i cili në këtë projekt ka marrë rolin e intervistuesit të  protagonisteve nuk ka qënë i lehtë gjurmimi i këtyre personazheve.

Dokumentari i kësaj të hëne  nisi me Xhevat Lloshin i cili rrëfen me pasion  kontributin e tij për letërsinë.

Dokumetari do të shfaqet pranë sallës së  Marubit çdo të hënë dhe të enjte në orën 11 deri në 17 shkurt, ku do të jetë i ndarë në 3 episode.