Sina: Në ShBA policia e këshillon qytetarin dy herë, herën e tretë vendos gjobë, nuk ka ndëshkime me burg

Për qytetarët në ShBA të cilët thyejnë rregullat e izolimit të vendosura për shkak të koronavirusit gjobiten me 100-150 dollarë.

Por gazetari Beqir Sina në një intervistë për Ora Neës shprehet se detyra e çdo polici është që të këshillojë qytetarët në dy herët e para të konstatimit të thyerjes së këtyre rregullave, e më pas të aplikohet gjobitja.

Gjithashtu ai shprehet se nuk ka dënime me burg për këto kundërvajtje ligjore.

Beqir Sina: Ka një ligj dhe edukatë për zbatimin e ligjeve. Me përjashtim të disa rasteve ku ka pasur mbledhje të disa persona janë gjobitur. Policia ka pasur detyrë që të këshillojë herën e parë dhe të dytë ndërsa në rastin e tretë ku vihet re shkelja nga ana e qytetarëve ka pasur dhe gjoba që varijojnë nga 100-150 dollarë. 

Që prej izolimit të shteteve në ShBA, ka pasur shumë protesta kundër këtyre masave.

Ndaj Presidenti Donald Trump ka vendosur që duke filluar nga kjo e hënë do të rihapen disa biznese duke përfshirë kafene e restorante në 29 shtete.

Beqir Sina: Izolimin e quajnë persekutim ngaqë janë mësuar me ShBA-në e lirë. Ekonomia në disa shtete që janë prekur më pak ka mundësi që të hapet dhe të rivitalizohet jeta. Në Arizona kërkohet rihapja e jetës ndaj janë zhvilluar këtu. Protestat do të vazhdojnë. Presidenti Trump shprehu se në 29 shtete nga dita e sotme do të fillojë rihapja graduale e bizneseve. Lokalet, restorantet më të frekuentuara do të fillojnë të hapura.