Sot 100-vjetori i Tiranës! Ku të festoni në kryeqytet pa shpenzuar asnjë lek!

Sot ka festë në Tiranë!

Si sot 100 vite më parë, qeveria e Lushnjës hyri në Tiranë më 11 Shkurt 1920 dhe u prit nga Kryetari i Bashkisë Ismail Ndroqi në Qafë të Kasharit – aty ku sot është rrethrrotullimi i Rinasit.

Nga ajo ditë, kryeqyteti mbush plot 100 vjet, dhe Bashkia e Tiranës ka menduar një sërë aktivitetesh për qytetarët, për të festuar dhe t’u argëtuar në këtë ditë të veçantë.

Por si do të festojmë sot 100-vjetorin e Tiranës kryeqytet?!

Në sheshin “Nënë Tereza”, do të mbahet një koncert me disa prej emrave më të njohur të muzikës.

https://www.instagram.com/p/B78XXJagiU5/

Valbona Mema, Irma Libohova, Sinan Hoxha, Artjola Toska dhe shumë këngëtarë të njohur të muzikës popullore tiranase do të performojnë në orën 19:00.

https://www.instagram.com/p/B8ZeIednwOA/

Një tjetër mënyrë për të kaluar një pasdite të këndshme në Tiranë sot është “Drive In Cinema”.

E vendosur pranë Bulevardit të Ri të Tiranës, kjo kinema mirëpret çdo mbrëmje në dy orare të ndryshme, 18:30 dhe 20:30, të gjithë ata që duan të shohin një film ndryshe.

E veçanta e kësaj kinemaje është se ti e sheh filmin nga makina jote, në një ekran të madh të vendosur para dhe audion e dëgjon nga radioja jote.

Sot do të jetë hyrja falas për këdo që është i apasionuar pas kinemasë, por “Drive-In Cinema” do të zgjasë deri në fund të muajit maj dhe me pagesë sigurisht, diku te 700 lekë të rinj.

https://www.instagram.com/p/B8YmwRKg1TN/