Të rinjtë më afër kinemasë, nisma e Qarkut Tiranë

A po e largon teknologjia njeriun nga njeriu? Çfarë po ndodh me brezin e ri, i cili po rritet me këtë mënyrë të jetuari… a po bëhet shoqëria me asociale?

Mjafton të ulesh në një kafene të Tiranës dhe të hedhësh sytë në tavolinat rreth e rrotull, pamja që të shfaqet tregon lidhjen e ngushtë të njeriut me teknologjinë.

Për të larguar sado pak këtë kategori nga kjo mënyrë jetese, por mbi të gjitha për të dhënë edhe një lloj mesazhi, Qarku i Tiranës dhe kryetari, Aldrin Dalipi këtë muaj kanë ndërmarr një iniciativë interesante.

Projekti ka nisur në fillim të muajit dhjetor dhe ka kërkuar afrimin e të rinjve me filmin.

Çdo e hënë e këtij muaji, ka qenë në dispozicion të tyre ku kinematë e kryeqytetit u rezervuan nga ky institucion për gjimnazistët e qarkut.

Sallat e rrjetit të kinemave IMPERIAL u vunë në dispozicion të kësaj iniciative.

 Nuk mund të themi që ky organizimi ndryshoi mënyrën e tyre të jetesës, por të paktën për një ditë i solli të rinjtë më pranë kinemasë dhe filmit.

 “E hëna në kinema”, u konkretizua në javën e parë të këtij muaji, në datë 7.  

Të parët që përfituan nga kjo iniciativë ishin të rinjtë e shkollës “Andon Zako Çajupi” në kryeqytet. Atyre u dha një mundësi për të shijuar një ditë ndryshe, larg ambienteve rutinore që ndoshta frekuentojnë çdo ditë.

Kreu i Qarkut Tiranë dhe Këshillit Bashkiak, Aldrin Dalipi që ishte bashkë me të gjimnazistët në kinema, u shpreh se: “kjo është një mundësi e mirë që të rinjtë të zgjedhin kinemanë, të jenë më të socializuar me njëri-tjetrin dhe të jenë sa më larg jetës rutinore”.  

Java e dytë e muajit ishte rezervuar për nxënësit e shkollës “Arben Broci”.

Sipas kryetarit të Qarkut dhe Këshillit Bashkiak, Aldrin Dalipi kjo është një nevojë që të rinjtë duhet ta kthejnë në zakonin e tyre të përditshëm, pasi për të është një rutinë e shëndetshme.

Për të, kjo ide erdhi si dëshirë e mirë që të rinjtë të jenë më afër artit, më larg smartphone-ve, apo kafeneve të zakonshme.

Mbi të gjitha, kjo iniciativë, përkthehet si një mesazh për të uruar një vit të ri të mbarë dhe sa më afër njëri-tjetrit. Ky  nuk është muaji i vetëm dhe i fundit për praktikimin e kësaj iniciativës, sipas Dalipit, ky projekt do të zbatohet edhe vitin e ardhshëm.

Pas kërkesë së Qarkut të Tiranës, kinematë e kryeqyteti kanë marrë angazhimin që çdo të hënë të kenë një çmim më të lirë për biletat me qëllim që të rinjtë të kenë mundësi të shohin filmat e fundit dhe për të qenë më pranë artit të filmit./DITA