“Telekom Electronic Beats Club Night” për herë të parë në Tiranë

Muzika më e mirë elektronike vjen në Tiranë me 27 nëntor në Arena Club. Për herë të parë programi muzikor ndërkombëtar i Telekom “Electronic Beats” do të vijë në Tiranë për të festuar me fansat shqiptarë të kësaj rryme muzikore. Për këtë mbrëmje të veçantë të Electronic Beats, organizatorët kanë ftuar DJ më të suksesshëm ndërkombëtarë si DJ Hell dhe DJ KOZE. Të dy do të luajnë disa nga pjesët e tyre muzikore që janë luajtur edhe në disa nga festivalet e Telekom Electronic Beats nëpër Europë. Këtë javë ata do të ndalojnë në Tiranë dhe do të shoqërohen nga dy DJ shqiptarë DJ Cuc dhe DJ Chriss V. Edhe pse biletat për këtë mbrëmje kanë mbaruar, ju mund të fitoni bileta duke klikuar në linkun: www.electronicbeats.net.

Telekom do të realizojë ëndrrën e shumë fansave shqiptarë të muzikës elektronike që do të shijojnë performancën live të hiteve të preferuar. Kjo nuk është hera e parë në Shqipëri vetëm për Telekom Electronic Beats. Gjithashtu, DJ Hell dhe DJ KOZE vizitojnë për herë të parë Tiranën. Kur u pyet për ardhjen e tij në Tiranë, DJ Hell tha: “Telekom Electronic Beats është i famshëm për faktin se arrin të bashkojë muzikën më të mirë me pamjet më të bukura. Telekom ka promovuar dhe mbështetur muzikën elektronike prej vitesh duke siguruar nivelet më të larta të argëtimit. Nuk kam qenë më parë në Shqipëri, kështu që po pres gjithë gëzim koncertin në këtë vend të bukur. Gjithashtu, po kërkoj të bashkohem me super-heroin DJ Koze, që do të thotë më shumë motivim për mua. Gjithçka di për Tiranën janë pikat kryesore kulturore dhe jeta aktive e natës. Le të festojmë së bashku!”DJ Koze, i emocionuar për performancën në Shqipëri tha: “Nuk e kam vizituar më parë Shqipërinë dhe po pres me padurim të luaj në Tiranë. Ndoshta ky mund të jetë fillimi i një historie dashurie.”

Stefan Kozalla i njohur si DJ Koze jeton dhe punon në Hamburg si DJ, muzikant dhe remikser për Chicks on Speed, Bob Sinclar, Justus Koehncke dhe shumë nga grupet dhe projektet më të mira gjermane. Si DJ që performon live, Koze i ndërton pjesët muzikore duke realizuar një ndërthurje të zhanreve. Ndoshta termi “Shtëpia e Rrokut” do të ishte i duhuri kur ke në mendje këtë DJ.

DJ Hell ka luajtur muzikë për më shumë se dy dekada. Në vitin 1985, ai ishte një nga DJ e parë në Gjermani që nisi të luajë muzikë elektronike. Debutimi i pjesës së Hell "My definition of House Music" u kthye në himn kërcimi. DJ Hell ka punuar me artistë si Fischerspooner, Vitalic, Miss Kittin & the Hacker, Tiga, madje edhe Pet Shop Boys, Jeff Mills dhe Dopplereffekt.Eklit Arapi i njohur si Cuc ka lindur në Tiranë dhe nisi të luajë muzikë në vitin 2005. I frymëzuar nga shumë DJ dhe producentë ai nisi të zgjedhë muzikë elektronike duke krijuar stilin e tij unik Deep-Progy-Techno.

DJ Chris është DJ dhe producent shqiptar që bëri debutimin e parë në industrinë e muzikës në vitin 2007. Shija dhe stili i tij muzikor janë unikë, një përzierje mes progy dhe DJJharmonies. Ai krijoi pjesë të tilla muzikore si "Wonderland", "Cyrax/Asteria", "Holograms" dhe "Pluto/Clouds".Telekom Electronic Beats feston 15 vjetorin këtë vit me festivale në Varshavë, Bratislavë, Pragë, Këln, Podgoricë, Bukuresht, Budapest dhe Zagreb. Si premierë e këtij 15 vjetori të suksesshëm, Tirana bëhet pjesë e familjes elektronike me klubin e saj të parë. 

Rreth Telekom Electronic Beats

Themeluar në vitin 2000, Electronic Beats është programi ndërkombëtar i marketingut të muzikës në Deutsche Telekom dhe përmban një portofol të gjerë dhe novator të medias, duke përfshirë aktivitete live në të gjithë Europën. Lexuesit mund të marrin më shumë informacion lidhur me aktivitetin e tyre ndër vite dhe çmimet e fituara në linkun: electronicbeats.net. Fansat e muzikës elektronike dhe bashkëkohore janë të ftuar për t'u bashkuar me kanalet e mediave sociale në Facebook, Instagram, Twitter, Soundcloud dhe Spotify.

Rreth Telekom Albania

Telekom Albania, si pjesë e familjes së Deutsche Telekom do të vazhdojë ta bëjë publikun shqiptar të ndihet pjesë e rrjetit që lidh Europën.

Rreth Deutsche Telekom

Deutsche Telekom është një nga kompanitë e integruara të telekomunikacionit lider në botë, me rreth 151 milionë abonentë celularë, 30 milionë linja të rrjetit fiks dhe mbi 17 milionë linja broadband (deri më 32 dhjetor 2014). Grupi Deutsche Telekom ofron rrjet fiks, komunikim celular, produkte dhe shërbime internet dhe IPTV për konsumatorë, si dhe zgjidhje të teknologjisë së informacionit dhe komunikimit për abonentët biznes dhe korporatat. Deutsche Telekom është i pranishëm në mbi 50 vende dhe ka rreth 228 000 punonjës në mbarë botën. Të ardhurat e Grupit Deutsche Telekom në vitin financiar 2014 ishin 62,7 miliardë euro dhe mbi 60% e kësaj shume u gjenerua jashtë Gjermanisë.