“The Balkanista”: Zinxhirë floriri, gëzofë rozë, makina të shtrenjta… mos u çudisni nga shqiptarët
Një bloggere e njohur angleze, e cila ka vizituar Shqipërinë i ka dedikuar një hapësirë interesante vendit tonë këto ditë marsi. Në artikujt e saj, ndër të tjera ajo ndalet në promovimin e turizmit, vlerave, apo kulturës sonë, por me mjaft mjeshtëri edhe ironizon disa fenomene tipike shqiptare. Duke e nuhatur disi temperamentin e shqiptarit, por edhe si për të na thënë që të mos e marrrim shumë seriozisht çka radhit më poshtë, në hyrje të artikullit, gazetarja sqaron: “E kuptoj se, si një e huaj gjendem në një pozicion “të rrezikshëm” kur postoj të tilla shaka. Por ju lutem, mos harroni që unë e dua këtë vend dhe shqiptarët dhe të gjitha këto janë vetëm për argëtim”.
Sipas bloggeres, nëse të huajt do të vizitojnë Shqipërinë, do të njihen me këto “vese” tek shqiptarët:
- E para, do të shihni sesi dekorimet e Krishtlindjeve vazhdojnë të jenë dhe që në toplistat e bareve dëgjohen këngët e vjetra të Krishtlindjeve. Kjo të paktën deri në muajin mars.
- Ndodh të shohësh një shofer duke ngarë një makinë “Smart”, por që ka nevojë për hapësirë parkimi dy vendësh.
- Uniforma jo zyrtare e dimrit është xhup me kapuç leshi. Kjo si për meshkujt, ashtu edhe femrat?
- Është shoqërisht e pranueshme të pini 15 kafe para mesditës.
- Pihet raki përpara mesditës?
- Konsiderohet lëvizje e gabuar, nëse rrini dhe shikoni dikë pa e njohur për më shumë se 1 sekond?
- Është gjë e mirë të jesh patrioti më i madh në botë, por njëkohësisht i dëgjon duke planifikuar largimin nga vendi drejt Britanisë, Kanadasë, Amerikës, Gjermanisë.
- Siç ndjehen vetë i bëjnë edhe autobusët të ecin me shpejtësi.
- Është e zakonshme t’i shihni burrat të ecin krah për krahu?
- Teksa jeni ulur në urban, dikush pranë jush vjen duke mbajtur në dorë 5 pula të lidhura e të gjalla.
- Është normale që nëpër dyqane, kancelari, madje edhe tek kasapi të gjeni të tregtuara çanta Louis Vuitton (stock, ose të fundit).
- Ngjyrat e semaforit ndryshojnë në varësi të opinionit të gjithsecilit?
- Shenjat rrugore janë opsionale?
- Është normale që të panjohurit t’ju qerasin me raki (apo kafe) kur jeni i huaj dhe më pas t’u mbetet qejfi, nëse nuk pranoni?
- Do të përfundoni duke bërë shokë nga shtete që as e dinit se ekzistonin.
- Karkalecat krudo janë pjesë e një diete të përgjithshme.
- Është normale që teminat, zinxhirët floriri, gëzofët rozë, lëkura, të vishen gjatë ditës, madje edhe në zyrë.
- Duhanpirja është ves më shumë i pranueshëm, sesa i papranueshëm.
- Shprehja “avash-avash” do të bëhet shprehja juaj.
- Do të shihni super makina gjatë një dite të zakonshme në Shqipëri, sesa gjatë një viti në Londër.
- Nëse jeni anglez autokton do të acaroheni gjatë mësimit të anglishtes. Pavarësisht, nëse jeni dakord apo jo, lëreni ashtu. E mira e të mirave është ta pranoni.
- Mbani gjithmonë ushqim me vete për qentë endacakë, në mënyrë që t’i ushqeni kudo që t’i hasni?
- Nëpër lokale, bare, klube vendoset muzikë që nga Pitbull, Jon Bon Jovi, Noizy, Leonard Cohen e deri tek muzika popullore shqiptare.Pa organizim.
- Do të përndiqeni nga fëmijë që lypin, që mbajnë fëmijë më të vegjël në krahë (në rastin konkret kukull) e që do t’ju ndjekin duke ju kapur pas krahu vetëm pse i the jo.
- Nuk duhet të bëni plane konkrete, nëse do ju duhet të përdorni transportin publik, sepse nuk ka orar as të nisjes, as të mbërritjes, kështu që planifikimi 12 orë përpara për kudo që do ju duhet të udhëtoni (jashtë kryeqytetit) nuk është ide e keqe.
- Dëgjoni një zhurmë në mbrëmje dhe nuk jeni i sigurtë nëse ishte e shtënë arme, thjesht një fishekzjarr, apo vinte nga makina.
- Është “normale” të keni 1, apo 5 armë.
/Burimi: VOX ALBANIAE/
