Thyen rekordin Guinness me dronët

Një kompani kineze e prodhinimit të dronëve ka ngjyrosur natën me 1,374 dronë vallëzimi me shkëlqim, për të vendosur një rekord botëror të Guinness për numrin e fluturimeve në të njëjtën kohë. Performanca spektakolare u zhvillua mbi qytetin turistik të Xian në Kinën Veriperëndimore të dielën. Pajisjet fluturuese u ngritën njëkohësisht nga muret e qytetit të lashtë dhe krijuan formacione të ndryshme 3D në ajër. Shfaqja 13 minutëshe, e koordinuar nga një person i vetëm me një kompjuter, përfshinte figura të tilla si Buda, një vemje në një copë druri dhe një tren me shpejtësi të lartë. Shfaqja gjithashtu nderoi nismën udhëheqësit kinez Xi Jinping, i cili ka për qëllim rritjen e bashkëpunimit dhe lidhjes midis vendeve të Euroazisë. Duke fluturuar me 1,374 dronë, firma kineze EHang Egret e privuar Intel nga rekordi i saj botëror në këtë kategori. EHang Egret bëri së pari tituj ndërkombëtarë në 2016 kur njoftoi plane për të krijuar një avion pasagjerësh që do të shitej me çmimin prej 300,000 dollarë. Këtë vit, firma tha se përfundoi me sukses testet e UAV, duke shtuar se avioni do të ishte në gjendje të mbante një person dhe të arrinte një shpejtësi deri në 130 kilometra në orë.