Turqi, zbulim i rëndësishëm për krishterimin në një liqen
Një zbulim i rastësishëm i rastësishëm nga një ekip arkeologësh në Turqi mund të ketë çuar në zbulimin e një prej vendeve më të rëndësishme në historinë e krishterimit pas viteve të tëra kërkimesh të pasuksesshme.
Tani, po planifikojnë një muze nënujor.
Kur Konstandini I, perandori i parë romak që u kthye në krishterim, kryesoi Këshillin Ekumenik të Nikejve në vitin 325 pas Krishtit, peshkopët nga mbarë bota zbritën në liqenin Ascanius për të sheshuar ndarjet në kishën e hershme të krishterë.
Liqeni që sot quhet Iznik në Turqi, prej vitesh ka qenë fokusi i arkeologëve që përpiqen të gjejnë thesare të lashtësisë.
Tani rezulton se pretendimet ishin të drejta dhe zbulimi u bë pas fotografimeve ajrore të financuara nga pushteti lokal i krahinës së Bursas.
Fotografitë zbuluan strukturën e një kishte të zhytur nënujore.
Arkeologu turk Mustafa Shahin, kreu i arkeologjisë në Universitetin Uludağ të Bursas, ka zhvilluar kërkime në terren që nga viti 2006, por kurrë nuk e ka zbuluar kishën.
Ironik është fakti sipas arkeologut, se ekipi i fotografëve të bashkisë së Bursës kishte kapur fotografi ajrore të liqenit që nga viti 2013, “por nuk kishte menduar të kontaktonte ndonjë ekspert”.
Şahin beson se vendndodhja e rrënojave të kishës mund të shënojë vendin ku Këshilli i Parë i Nikesë u mbajt rreth 1700 vjet më parë. Ai gjithashtu beson se ajo shënon vendin ku Shën Neofiti u martirizua në vitin 303 pas Krishtit – dhe se kisha mund të jetë ndërtuar për nder të tij.