Vdes nga kanceri në tru djali 2 vjeçar i aktorit të famshëm

Djali i aktorit dhe komedianit të famshëm amerikan, Rob Delaney ka humbur betejën me kancerin dhe ndërroi jetë në moshën 2 vjeçare. Lajmi është konfirmuar nga vetë aktori me anë të një postimi në Facebook: “Unë do të përpiqem që të mos çmendem nga pikëllimi. Kaluam kaq shumë aventura të mrekullueshme së bashku.” Henry u diagnostikua me kancer në vitin 2016 pak kohë pas ditëlindjes së tij të parë. Aktori 41 vjeçar tha se në atë kohë djali i tij vuante nga të vjellat e vazhdueshme dhe humbja e peshës. Pasi u vizitua mjekët zbuluan tumorin dhe vogëlushi iu nënshtrua një operacioni për ta hequr. “Ai u nënshtrua një trajtimi të mëtejshëm vitin e kaluar, por kanceri u kthye dhe Henri vdiq në janar”, shkruajti Delaney. “Tumori dhe ndërhyrja kirugjikale e lanë atë me aftësi të kufizuara, por shumë shpejt mësoi gjuhën e shenjave dhe zhvilloi metodën e tij për të marrë nga A në B”. Delaney tha se të gjithë ata që ndihmuan familjen e tij të mbijetote nga sëmundja e Henrit ishin heronjtë e tij deri në ditën e vdekjes.