Zaev shijon ushqimet në Prespë me tryezë të bollshme me peshk, bakllava e mjaltë

Kreu i LSDM-së, Zoran  Zaev, është shkëputur nga aktualiteti politik për të pushuar në Prespë.

Fitorja e zgjedhjeve të jashtëzakonshme parlamentare i ka dhënë pak qetësi por sërish në pikëpyetje mbetet krijimi i qeverisë.

Deri atëherë, Zaev duket se po i gëzohet ushqimit të mirë dhe të bollshëm, që nga mjalti, bakllavaja dhe peshku.

Në një intervistë për të përjavshmen kroate Nacional të publikuar sot, Zaev ka folur për koalicionet e ardhshme, duke deklaruar se deri tani LSDM ka potencialin më të madh për krijimin e qeverisë së re të Maqedonisë së Veriut.

“Mandati për të formuar një qeveri të re është për LSDM-në dhe koalicionin”Mundemi “. Menjëherë pas festës së Republikës, e cila është me 2 gusht, ne hyjmë në procesin e negociatave për një koalicion të ardhshëm dhe formimin e një qeverie. Me politikat që ne ndjekim dhe me qëndrimin e ndershëm dhe të përgjegjshëm, LSDM ka deri tani aftësinë më të madhe për koalicion. VMRO-DPMNE është një parti e mundur që demonstron politika që janë në kundërshtim me mjedisin e përgjithshëm demokratik dhe drejtimin demokratik drejt të cilit vendi po ecën në mënyrë të pakthyeshme.

LSDM është një parti e madhe, bujare dhe e hapur dhe ne do të diskutojmë një koalicion me të gjitha partitë që janë të gatshme të pranojnë konceptin dhe rrugën evropiane, demokratike, çliruese, përparimtare, dhe rrugën që Maqedonia Veriore po ndjek si anëtare e NATO-s. Strukturat që mbrojnë ide të ndryshme nga koncepti demokratik dhe evropian nuk mund të jenë pjesë e koalicionit të ardhshëm qeverisës të udhëhequr nga LSDM sepse opsione të tilla konfliktuale janë ose të mposhtura ose margjinale”.