Zbulohen tetë mumje në Egjipt

Një tjetër zbulim mbresëlënës arkeologjik është bërë në Egjipt dhe këtë herë janë mumie.

Pas zbulimit të një prifti 3000 vjeçar të mumifikuar, arkeologët egjiptianë kanë gjetur 8 mumie të lashta brenda arkivoleve gëlqerore.

Sarkofagët u zbuluan në zonën juglindore të piramidës së Mbretit Amenemhat II në Dahshur Necropolis, pranë Piramidës së Madhe të Gizës.

Ministria e Antikitetit në Egjipt shpjegoi se tre mumie janë në gjendje të mirë.

Ata janë vendosur në depon e Dahshur për tu ruajtur.

Fotot e zbulimeve të mrekullueshme do të ekspozohen në muzetë që do të hapen së shpejti në Hurghada dhe Sharm el-Sheikh.