Zbulohet në Belgjikë mumja e zhdukur 45 vjet më parë

Një nga dy mumjet egjiptiane, të zhdukura nga Muzeu në Bruksel 45 vjet më parë, u gjet në një kolektor në Mons, Belgjikë, kur një 66 vjeçar u përpoq për ta vënë në ankand.

Muzeu i Historisë dhe Artit në Bruksel (The Royal Museums of Art and History) në vitin 1970 kishte huazuar dy mumjet për hulumtime që kishin kërkuar dy mjekë. Hulumtimi i tyre u botua tre vjet më vonë, por mumjet asnjëherë nuk u kthyen në muze.

Një 66-vjeçar javën e kaluar u përpoq të organizojë shitjen e një mumjeje në Shtëpinë e Ankandit në Mons, kurse zyrtarët e shtëpisë e kuptuan se për çfarë bëhet fjalë dhe kontaktuan policinë belge.

Pas një hetimi policia deklaroi se mumjen në Shtëpinë e Ankandit e solli i biri i një 66-vjeçari, i njërit prej mjekëve të cilët kishin huazuar mumjet. Identiteti i të dyshuarit nuk është publikuar, por fati i mumjes tjetër, që mungon, mbetet ende i panjohur.

Prokurori publik në Bruksel shpreson se mumja së shpejti do të rikthehet në muze dhe se personat përgjegjës do të ndëshkohen.