Meta: Një risqarim i detyruar për mashtrimet e mediave të inceneratorëve që citojnë “burime” të dezinformacionit me regji të SPAK-ut

𝐍𝐣𝐞̈ 𝐫𝐢𝐬𝐪𝐚𝐫𝐢𝐦 𝐢 𝐝𝐞𝐭𝐲𝐫𝐮𝐚𝐫 𝐩𝐞̈𝐫 𝐦𝐚𝐬𝐡𝐭𝐫𝐢𝐦𝐞𝐭 𝐞 𝐦𝐞𝐝𝐢𝐚𝐯𝐞 𝐭𝐞̈ 𝐢𝐧𝐜𝐞𝐧𝐞𝐫𝐚𝐭𝐨𝐫𝐞̈𝐯𝐞, 𝐪𝐞̈ 𝐜𝐢𝐭𝐨𝐣𝐧𝐞̈ “𝐛𝐮𝐫𝐢𝐦𝐞” 𝐭𝐞̈ 𝐝𝐢𝐳𝐢𝐧𝐟𝐨𝐫𝐦𝐚𝐜𝐢𝐨𝐧𝐢𝐭 𝐦𝐞 𝐫𝐞𝐠𝐣𝐢 𝐭𝐞̈ 𝐒𝐏𝐀𝐊-𝐮𝐭 𝐭𝐞̈ 𝐍𝐚𝐫𝐤𝐨𝐪𝐞𝐯𝐞𝐫𝐢𝐬𝐞̈.

Kartat bankare për të cilat flet dhe mashtron hapur SPAK-u nuk kanë as edhe lidhjen më të vogël me Ilir Metën.

Nuk ka ekzistuar kurrë dhe nuk egziston asnjë kartë bankare e ish-çiftit Meta-Kryemadhi.

SPAK-u me regji ngatërron ëndrrat me faktet dhe realitetin asgjësues, pasi as nuk ka egzistuar dhe as ka për t’u zbuluar kurrë ndonjë kartë e Ilir Metës.

SPAK-u tashmë i zhveshur përpara opinionit publik nga mungesa totale e fakteve dhe provave është zhytur në mashtrime, fantazira dhe manipulime mediatike, që në fakt vetëm sa po e diskreditojnë për turp dhe po e provojnë boterisht se i gjithë procesi ndaj Ilir Metës është vetëm një aferë mafioze e pastër dhe e telekomanduar nga Narkoqeveria.

Unë as nuk kam qenë dhe as nuk kam dëshiruar të shkoj në Beverly Hills dhe Las Vegas, sepse e kam bërë njëherë e përgjithmonë zgjedhjen time që të shkoj me kënaqësi pafund në Prevallë, Çerem e Dobërdol, në majën e Korabit dhe të Jezercës e kudo në mrekullitë natyrore të Shqipërisë tonë kaq të bukur e mahnitëse.