12 mandate në Fier, Belinda Balluku: Gramoz Ruçi është mësuesi im politik! Arsyet pse arritëm këtë rezultat

Drejtuesja e PS për qarkun e Fierit, Belinda Balluku flet për rezultatin me fitorje të thellë, ku deri më tani PS ka marrë 12 mandate.

Zv/kryeministre, ministre dhe drejtuese politike e PS për qarkun Fier, Belinda Balluku foli për arsyet pse PS ka arritur këtë rezultat në këtë qark, ku ndër të tjera zbuloi se mësuesi i saj politik është Gramoz Ruçi.

Pjesë nga bashkëbisedimi:

Balluku: Gramozi Ruçi është mësuesi im politik.

Rakipllari: Në këtë rast nxënësi ia ka kaluar mësuesit.

Balluku: Jam e sigurt që Gramozi është shumë krenar për mua dhe skuadrën time sot.

Unë jam prodhim politik i tij për sa i përket strukturës, mënyrën e organizmin unë e kam dhuratë nga Gramoz Ruçi dhe do i jem përjetë mirënjohëse.

Kam bërë atë që Gramozi më ka mësuar, ti shikoj njerëzit në sy, tua mbaj mend emrin, tua qaj hallin dhe gjithçka tjetër.

Shkollën e tij kam ndjekur dhe ndaj besoj që qarku i Fierit ka arritur mandatin e 12-të.